عالم الانترنت والشبكات

يووووووووو السلام عليكم ورحمة الله وبركاته
شباب كيف حالكم ان شاء الله كلكم بخير وصحة وعافية
اليوم عندنا شرح طويل شوية لكن فيه معلومات عن حاجات بتحصل معنا كل يوم في كل وقت في الانترنت او بسبب الانترنت ونحن م بنعرف السبب واليوم حنكشف الغطاء عنها ان شاء الله فبسم الله نبدا

الانترنت جزء من القصة

اول معلومة  هي اللوب او الحلقة 

يعني شنو لوب او حلقة  في الانترنت؟
طبعا كلنا وحرفيا كلنا معتمدين في حل اي  مشكلة تقنية على حركة اقفله وافتحه
فلمن الانترنت يعلق او يبطئ بنقفله ونفتحه
فجاءة الانترنت بتصلح نسبيا
الموضوع دا م صدفة او شي عشوائي بحصل لا ابدا دا بحصل بطريقة منطقية جدا ودا يعتبر حل مثالي لمشكلة تعليق الانترنت
فاول شي الانترنت لمن يصل الى جهازك بصل في شكل موجات وكلنا عارفين المعلومة دي
يلا انت لمن تفتح موقع بتنشئ حلقة للجهاز او لوب(يعني شكل (∞)) فانت كل ما تفتح موقع او حاجة الانترنت بكرر نفسه والموجات بتبقى متخصصة و م بتدي اي مجال لبيانات جديدة انها تعبر وتدخل
يعني زي طريق السيارات اذا كان كله سيارات صغيرة الطريق م حيزدحم وحيكون سليم اما اذا كان كله سيارات كبيرة اكيد بكون في زحمة و م بنقدر ننظم السير
فالبيانات بتعاني بسبب اللوب دا و هو حرفيا م عنده اي حل مكتشف حاليا لان الشبكة بتعمل عن طريق تكويم البيانات يعني بتخلي البيانات تزدحم فلازم جهازك يكون من النوع الى بفرغ البيانات فور الانتهاء منها او انك تخلي الجهاز يركز على عملية معينة تحميل مثلا لمدة من الزمن كده اللوب او الحلقة دي بتقل او تختفي والجهاز يرجع زي اول

ثانيا توزع الشبكة

يعني شنو توزع الشبكة؟
يعني كونك تستخدم انترنت بسرعة وتلقى شخص اخر بنفس الشريحة ونفس الخدمة لكن نته اسرع او ابطئ
السبب في دا برجع لما يسمى بالخوادم او السيرفرات
نبسطها اكتر
عشان انت تحصل على اتصال بالانترنت
في شركة الانترنت الى انت مشترى شريحة تابعة ليهم في ما يسمى بالسيرفرات او الخوادم
ودي عبارة عن اجهزة بتوزع الانترنت م بالضرورة يكون جهاز ممكن يكون برنامج بس بوزع الانترنت
فاكيد في سيرفرات (اجهزة) مواصفاتها كويسة جدا والانترنت فيها عالي وبتعرف كيف تتعامل مع الاجهزة وتخدمهم وتعطيهم اتصال سريع بالانترنت مع باقات عالية السرعة
وكمان في اجهزة موجودة بس عشان تخرب مزاج المستخدم
اجهزة بتكون ضعيفة جدا وبتعطي انترنت ضعيف جدا جدا جدا جدا وبتتعامل مع الاجهزة بضعف وكمان النوعية دي بكون فيها اللوب عالي جدا بسبب انه بكون في اجهزة اكثر من اللازم متصلة بيها
فاذا كانت شركة الاتصال تتمتع بانترنت عالي جدا وسرعة فائقة وفوق كل دا عندها ضغط عالي للانترنت
بس نتهم ضعيف جدا
اعرف ان الشركة ابخل من انها تخصص اكثر من سيرفر للمستخدمين زي شركة SUDANI مثلا الى عندهم سيرفرات اضعف من السيرفرات المجانية حتى سيرفرات يرثئ لحالها
فموضوع اختلاف الانترنت دا سببه انك لمن تنشط جهازك تلقائيا بتصل بسيرفر عشوائي فاذا اتصل بالسيرفر العالي انت محظوظ اما لو اتصل بالسيرفر الضعيف كان الله في عونك
ملحوظة مهم ممكن الناس تستغل الموضوع دا وتبحث وتعرف في اي وقت بكون السيرفر السريع شغال
فاذا عرفت متى يشغل ونشط في الوقت الى هو شغال فيه ممكن تتصل بيه وتتمتع بانترنت عالي السرعة لحد ما باقتك تخلص

ثالثا عدم اشتغال بعض المواقع الا عن طريق ال VPN

المعروف انه في حظر على بعض الدول من قبل بعض المواقع
فانت بتجرب مثلا تفتح موقع والموقع دا برفض واحيانا يقول لك انه الموقع غير موجود اصلا
بس لحظة انك تتصل بVPN تلقى انه الموقع اشتغل وكل شي ماشي فل الفل
فشنو السر وراء انه الموقع م يشتغل اساسا؟ والVPN بعمل شنو يخلي الموقع يششتغل؟
طيب اولا بعض المواقع بتضع شروط لازم تكون منطبقة على المستخدم عشان تخدمه لان هدف المواقع خدمة الزوار
مثلا انت كزائر انا هدفي من الموقع دا اني اخدمك بالمعلومات
بس عندي شروط او شي انك تتفاعل مثلا مع منشوراتي دي وانك تنشرها مع اصحابك وكمان تنبهنا في حال الخطا
انا كمستخدم ممكن احظر شخص اذا خالف
لكن ممكن 1000 شخص من بين كل 3000 شخص يخالفو فصعب علي اني احظر كل القدر دا
فانا كمبرمج او كخبير في عالم الانترنت
بعمل شروط للموقع واضعها في كود الموقع نفسه
مثلا اعطي الموقع امر انه م يفتح لاي شخص متصل من دولة معينة
بالتالي انا بدل احظر كل شخص بياتي من الدولة دي فردا فردا الموقع تلقائيا بالكود الى وضعته بقوم يحظرهم لي بدون اتعب كل شي تلقائي
فبعض المواقع بتضع في سياستها ان مثلا اي شخص متصل من الحاسوب م يفتح له الموقع دا بالنسبة لمواقع الاندرويد وتطبيقاتها مستحيل تشغل تطبيق اندرويد في الحاسوب بدون محاكي
او مثلا يحظر لي اي شخص جاي من دولة ارهابية وهكذا يعني دا بالنسبة للحظر
اما موضوع الVPN
الVPN دا اصلا عبارة عن جسرمجرد نفق عشان تمر بيه البيانات
يعني بالعربي انه عبارة عن تطبيق بعدل ويتلاعب ببيانات ومعلومات شبكتك في شبكة الانترنت عشان يخليها مثالية او مطابقة لمعلومات دولة اخرى
طبعا في فرق شااااسع جدا بين الانترنت ومواقع الانترنت
فانت بالVPN بتقدر تخدع اي موقع والVPN بوفر لك كل الشروط المطلوبة عشان الموقع يشتغل عندك
اما الانترنت نفسه مستحيل يتم خداعه بVPN فبكون عارف انت من وين وكل بياناتك فما تعمل مصيبة وتقول انت فاتح VPN يعني م حيقبضوك لا ديل حيجبوك حتى لو مشيت تحت الارض

رابعا واخيرا موضوع م اعتقد شخص سمع ليه وهو الاتصلات بعيدة المدى

الموضوع دا غير منتشر في عالم الانترنت واشخاص قلة بيعررفو عنه لانه معقد جدا بس حابب اني ابسطه بطريقة تصل للكل
كلنا عندنا رواترات او اجهزة وايفاي
الاجهزة دي وظيفاتها واحدة بس والى هي انها تاخد الانترنت من الشريحة الى موضوعة داخلها عشان تقدر تتعرف على نوع الشبكة
بعدين تسحب موجات من الشبكة من المنطقة حولها وتعمل ليها عملية تحويل لموجات وايفاي تصل لاجهزة الهاتف
يعني زي سماعات الاذن بتوصلها في هاتفك عشان تحول الصوت من سماعات الهاتف الى سماعات الاذن
مجرد وسيلة تحويل محدودة يعني كم متر والوايفاي او الرواتر ينتهي
بس انا اذا قلت لك
انه ممكن الوايفاي يعمل عملية بث ويقدر يوصل انترنت الى اماكن بعيدة جدا
طبعا حتنصدم
الموضوع دا بتم عن طريق عدة اغراض
بعمل عن طريق مفهوم انك تاخد الانترنت من الرواتر نفسه
يعني بدل الراوتر يحول الموجات لوايفاي انت تحول جهازك لرواتر والانترنت يصلك من الشريحة الى في الوايفاي
والاتصال دا بتم عن طريق بيانات الهاتف
اذا حابين نتوسع ونشرحه بالكامل وكيف يتم ونكرس له درس لوحده اكتبو لنا في التعليقات

وبسسسسس دا كان كل الى عندنا لليوم اتمنى اكون افدتكم بالشرح
اذا حابين نعمل لكم جزء ثاني للمعلومات عن الانترنت والشبكات اكتبو لنا في التعليقات تحت
واعطونا رايكم في المواضيع وطريقة الشرح
وشكرا لحسن المتابعة والقراءة
اتمنى يكون الموضوع افادكم
اخوكم السلمندر من مدونة السلمندر

حساباتي للتواصل

في حال حبيت تدردش تقنيا ولا تسئل عن شي

تلغرام اضغط هنا https://t.me/the_slmnder

او @the_slmnder

فيسبوك هنا

https://www.facebook.com/slmnder

او harith d hafiz

او السلمندر ناتسو دراغنيل

انستغرام

هنا https://www.instagram.com/slmnder_natsu/

او slmnder_natsu@

تويتر هنا https://twitter.com/slmnder_natsu

او @slmnder_natsu

انضم الان في اي واحد من التحت ديل للفان كلوب الخاص بي على تلغرام لحضور احدث الايفنتات

https://t.me/gopetar

https://t.me/nats_u

https://t.me/Gopetar1

ادعمونا في التعلييقات عشان نستمر في شروحات زي دي وممكن كمان اذا عندك فكرة مفيدة ممكن تكتبها لنا وننزل شرح عنها ان شاء الله