حل مشكلة البطارية والشحن الوهمي 100%

السلام عليكم ورحمة الله وبركاته
ما هو الشحن الوهمي
الشحن الوهمي يعني ان يكون تلفونك مشحون ب9% او اي نسبة وبعد انك تقفله وتفتحه يعمل نسبة مختلفة مثلا 90% ويجيب نسب م مضبوطة وموهمة للمستخدم او حتى يكون شغال ويقفل من نسبة عالية مثلا من 50% ولا 40%
او ان البطارية تنزل بعد تنازلي فمثلا اول ما الجهاز يعمل 50% البطارية تبدا تنزل بسرعة جدا زي الساعة
وفباذن الله في هذا المقال الوافي سنذكر اسبابها وحلها
وكيفية الاستفادة منها
كل دا في مقال واحد بس ان شاء الله
ونستعين بالله ونبدأ الشرح تابعو القرأة

اسبابها

1/استخدام ما يسمى بالشاحن السريع
يعني نوعية الشواحن الى بتشحن ليك في 10 دقائق و20 دقيقة ديك😂
من 0% يعمل 100%  في دقائق
اي تلفون غالبا بشحن في 4 ساعات ولفوق وكده
لمن انت تستخدم شاحن فرق الجهد بتاعه عالي
الكهرباء بتتحول بسرعة للبطارية بالتالي م بتلحق تترتب زي  الناس
يعني بالبلدي البسيط كده
زي كانك تجيب طوب قدام البيت وترميه بدون ترصه
عشان تختصر و م تجر زمن في حكاية ترصه عديل دي
كده بتكسر اول شي(اضرار للبطارية)
وتاني شي الطوب دا عملية نقله بتكون صعبة(عملية اعادة الشحن للمرة التانية اصعب)
واهم ضرر بحصل انه الكهرباء تاني بتروح سريع يعني 100% بتقعد بالكتير 24 دقيقة بس
الى هو الطوب الى حيتبني بيه دا بكون جودته قلة جدا (جودة البطارية)
يعني 3 سلبيات وكلهم عن تجربة شخصية وغير شخصية
فانصحك م تجرب تشحن بيهم مهما اغروك بيه🤤🤣🌚
2/ تاني سبب ليهم الى هو الكود بتاع البطارية
ودا م انصح بتاتا باستخدامه م تعمله م تجربه نهائي
الى هو
*#0228#
دا بفقد البطارية لجودتها فورا
يعني بديك نسب شحن وهمية طوالي
يعني ال3 اضرار كلها مرة واحدة بشكل فوري
3/ السبب التالت
تشتغل بشواحن غير رسمية
يعني تلفون سامسونج
مرة شاحن HTC ومرة تجرب بتاع تكنو ومرة بتاع سوني وكده
دي مش بتخرب البطارية بس
دي بتخرب وحدة الشحن كلها من سوكت وكل شي
يعني م تجربها الا للضرورة بس
يعني طبعا م بتخربهم من اول مرة
يعني كم مرة
وفي اسباب منها البطاريات الغير اصلية واسباب تاني كتيرة شديد بس دي الابرز
الباقيات دي تبع صيانة الا تغير
المهم نبداء

الحلول

1/لو الشحن بخلص بسرعة او بقفل من نسبة عالية بدون سبب او حتى بنقص زي العد التنازلي
حلك بسيط
دي اهم خطوة
تجيب شاحن اصلي من اي زول او تشيل شاحن زول جاء مع جهازه

بعد كده الحل تاني حسب نوع بطاريتك
#لو_بطاريتك_خارجية
يعني بتطلع من الجهاز
تطلع البطارية
وتمسح النحاسات حقت البطارية والتلفون برضو تمام كده
وبعد كده تفتح التلفون
وتشتغل لحد ما تصل 5% او 15%
تقوم تشغل وضع الطيران
وبعد تشغله تخت التلفون في الشاحن لحد ما يتم 100%
تقوم تفصله
وتطلع البطارية تاني
وتمسحها وتنضفها هي والنحاسات
وتركبها
وتفتحه حتلقاها بدون سبب نقصة يعني بقت 60 او 70 كده
تخليك لسا مشغل وضع الطيران
تخت التلفون تاني يعمل 100%
وتاني تفك البطارية وتنضفها
تفتح حتلقاها نقصت تاني
تقوم تركبها وتشحن لحد ما تعمل 100%
في النهاية وبعد كم محاولة لمن تقفل التلفون وتفتحه حتلقى البطارية عملت كم و90% يعني من 99_90%

كده تمام تشحن لحد يكمل 100%
بعد كده تقفل وضع الطيران
ومبروك عليك حتلقى مشكلة اتحلت
والتلفون تاني م حيقفل ليك بدون سبب
والسبب كان انه البطارية فيها منطقة فراغ
يعني لو كانت سعتها 2100 ملي امبير
بتكون بتشحن بس 1500 ملي امبير يعني في حوالي 600 ملي امبير ضايعة
وبسبب الفراغ دا برضو بتتوزع كهرباء البطارية بطريقة عشوائية ساي عشان كده بنقص سريع او بفقل بدون سبب من نسبة عالية او بنقص زي العد التنازلي
بعد كده
#لو_بطاريتك_داخلية
م بتطلع يعني
حلك اسهل من داك بكتير
بس تعمل وضع الطيران برضو
وتقفل التلفون وتخليه يشحن 100% وهو قافل
بعد كده تشتغله
لو لقيته نقص تقفله وتكرر نفس الخطوة
لحد ما يتفح يعمل معاك 100_95%

اذا من اول مرة لو طبقتها
وختيت في الشاحن
ولمن فتحته لقيته 100%
دي معناها من البطارية م عندها حل
الا تمش محل عديل يغير البطارية
يلا دي حلول احتياطية للناس الى بطاريتهم بتطلع
1/ اول شي حاول ثبت البطارية تمام
يعني بينها وبين النحاسات م يكون في فراق و م تكون مضغوطه شديد
يلا لو التلفون بقفل براه
في احتمال
مرات البطارية بتكون ضاغطه  الجهة الشفلية(المكان تحت البطارية فوق مدخل الشاحن)
لان وحدة الشحن كلها هناك
فبتسبب بالتالي
1/لمن تفصل التلفون من الشاحن بتكون علامة الشحن قاعده لسا في محلها
يعني بكون ظاهر انه يشحن و هو م مركب في شاحن
خلي الضغط اقل بتروح منك او ازيل الضغط
2/اللمس حق  الشاشة بكون في النص كعب
لو عايز تعرف دي مشكلة من الشاشة او البطارية
جرب طلع الغطاء الخلفي للتلفون وخلي البطارية براها
وبعد كده استخدمه لو المشكلة راحت
دا معناه انه البطارية كانت ضاغطه على الشاشة(البطارية منفوخة بالبلدي)
حلها الا تغيرها او تشتغل بدون غطاء
لانه لو اتواصلت بتخرب الشاشة
لو لطعتا الغطاء ولسا المشكلة في دي معناه انه

في الش

اشة
يعني م للبطارية دخل
3/لو الشاشة اضائتها بتخف وتضوئ قوي كل ثانية
يعني زي كانها تومض كده
دي بتكون بس مشكلة شحن وهمي وحلها فوق👍👌👆🌚
لو في مشكلة تانية دا معناه بس من المدخل حق الشاحن
لو مثلا بفعل حاجات براه زي وضع السيارة مثلا
وبسس كده نكون وصلنا لنهاية شرحنا لليوم اتمنى نال اعجابكم م تنسو الشير والتفاعل مع مدونتي والتسجيل في زر المتابعة

اخوكم السلمندر ناتسو
من مدونة السلمندر

حساباتي للتواصل

في حال حبيت تدردش تقنيا ولا تسئل عن شي

تلغرام اضغط هنا https://t.me/the_slmnder

او @the_slmnder

فيسبوك هنا

https://www.facebook.com/slmnder

او harith d hafiz

او السلمندر ناتسو دراغنيل

انستغرام

هنا https://www.instagram.com/slmnder_natsu/

او slmnder_natsu@

تويتر هنا https://twitter.com/slmnder_natsu

او @slmnder_natsu

انضم الان في اي واحد من التحت ديل للفان كلوب الخاص بي على تلغرام لحضور احدث الايفنتات

https://t.me/gopetar

https://t.me/nats_u

https://t.me/Gopetar1

ادعمونا في التعلييقات عشان نستمر في شروحات زي دي وممكن كمان اذا عندك فكرة مفيدة ممكن تكتبها لنا وننزل شرح عنها ان شاء الله