كيفية التسجيل في البايير

 يووو السلا م عليكم ورحمة الله وبركاته
شباب ان شاء الله بخيييير
طبعا في السودان كلنا بنعاني من مشكلة ارسال واستلام الاموال من خارج السودان
والحظر الحاصل دا بسبب زول ارهابي كده كلكم عارفنه نحن محظورين  بسببه
فيلا بحثتا في الموضوع لحل عشان اقدر استلم الاموال من خارج الوطن واحول زي ما عايز
والحمدلله لقيت طريقة ممكن احول بيها القروش بعمولة بسيطه واستلم كمان بدون ما اعاني ولا يخصمو مني ولا يقفلو حسابي بدون سبب ولا احتاج vpn كمان
ويلا بسم الله نبدا الشرح

عن بنك بايير

طبعا كلكم بتعرفو #البايبال الى بانه هو اكبر بنك عالمي لتحويل الاموال واستلامها بسهولة
لكن في شركة منافسة لدودة ليها الى هي البايير
والبايير بنك زيه زي البايبال لكن مميز جدا
مقارنة بين البايبال والباير
في البايبال بتحفظ في حسابك دولارات بس
في البايير ممكن تحفظ دولارات وروبلات ويوروهات وبتكوين ولايت كوين ووداش كوين كمان
البايبال محظور في السودان /البايير متاح في السودان واغلبية الدول
البايبال بدعم حوالي 173 الف بنك /البايير بدعم 153 الف بنك
في البايبال في سياسة بتتيح للشركة تجمد حسابك في اي وقت وبطلبو منك تاكيدات كتيرة وغير متاحة في السودان
في الباير عندهم سياسة مشاهبة ليها بس الاثباتات متاحة في كل الدول وممكن تفتح حسابك عن طريق البريد الالكتروني عادي
بس الاتنين بشتركو انه ممكن تحول منهم وتربطهم بالفيزا وبطاقة جوجل والماستر كارد واليوستن يونين
يعني البايير دا هو الخيار الافضل لكل سوداني عاوز يشتغل بجد في مجال الربح من الانترنت
وكمان يستلم اغراض وحاجات من دولة اجنبية او حتى من زول

خطوات التسجيل في البايير

اهم شي لازم يكون عندك بريد الكتروني
لو حابب تتعرف على طريقة انشاء بريد اكتروني خاص بالبايير اضغط هنا برفق
اول خطوة للتسجيل في الباير بتحتاج تدخل للموقع الرسمي بتاعهم من الرابط دا
اضغط هنا برفق للدخول الى بنك بايير
بعدين حتتوده لخيار sing in او sing up
حيسئلك من بريدك الالكتروني في اول خانة
تكتب بريدك الالكتروني
تكتب في الخانة التانية اي كلمة سر بتعجبك بس بشرط يكون اول حرف كبير ويكون في ارقام معاها مثلا Slmnder0099
في اخر خانة حتلقئ صورة فيها ارقام وجبها مستطيل
تقوم تكتب الارقام الى في الصورة في المستطيل الفاضي
وتضغط متابعة او كونتينيو
بقلك انهرسل ليك رمز في بريدك الالكتروني
تمش للبريد وتنسخ الكود وتضعه في الخانة المطلوبة في الموقع
بعدين بديك معلومات جهازة
تقوم تحفظهم
الى هم الباسويرد الاداك ليه الموقع ودا بتغير بس لازم تحفظه |
وبديك اسم كستخدم وكمان معلومات كتيرة تانية تحفظهم كلهم
وتعمل كونفيج او حفظ او موافق او تم
بفتح معاك حسابك
وختلاحظ في لوحة قيادة فيه ورصيدك كله 00
ومن هنا تبدا تحويل قروش واستلام بكل سهولة وبدون مشاكل
واستمتعو
الموقع م بحتاج vpn ولو خشيت بيه م حيفتح ليك لانه متاح في السودان
بالتوفيق للكل
ادعمنا بتعليق وشير للشرح
وشكرا
اخوكم السلمندر ناتسو
من مدونة السلمندر

حساباتي للتواصل

في حال حبيت تدردش تقنيا ولا تسئل عن شي

تلغرام اضغط هنا https://t.me/the_slmnder

او @the_slmnder

فيسبوك هنا

https://www.facebook.com/slmnder

او harith d hafiz

او السلمندر ناتسو دراغنيل

انستغرام

هنا https://www.instagram.com/slmnder_natsu/

او slmnder_natsu@

تويتر هنا https://twitter.com/slmnder_natsu

او @slmnder_natsu

انضم الان في اي واحد من التحت ديل للفان كلوب الخاص بي على تلغرام لحضور احدث الايفنتات

https://t.me/gopetar

https://t.me/nats_u

https://t.me/Gopetar1

ادعمونا في التعلييقات عشان نستمر في شروحات زي دي وممكن كمان اذا عندك فكرة مفيدة ممكن تكتبها لنا وننزل شرح عنها ان شاء الله